domenica 3 gennaio 2016

CARLO PORTA: LA MIA POVERA NONNA LA GH'AVEVA



Il convento di San Francesco della Vigna a Venezia (Foto da italian Botanical Heritage )

Sonetto scritto nell'autunno del 1810  dopo che Napoleone, il 25 aprile 1810, aveva reso operante il decreto per la soppressione degli ordini religiosi (Barbarisi).



La mia povera nonna la gh’aveva
on vignoeu arent ai Pader Cappuscin:
el guardian ghe le benediseva:
i soeu fraa ghe beveven mezz el vin.

La nonna in del morì la me diseva:
Te lassi sto vignoeu, el mè Franzeschin;
s’el voeur bev el guardian lassa ch’el beva:
usellin tira a casa el porscellin.

Quand ecco tutt a on tratt Napoleon
el dà ona soppressada ai fratarij.
S’ciavo suo, sur vin, la protezion.

Credeva de fann pù nanch on boccaa:
inscambi mò hoo impienii tucc i vassij,
inscambi hoo bevuu anch quell che dava ai fraa.

Eppur in sti agn passaa
gh’avarev giugaa el coo che senza lor
no scusavem nè nun nè nost Signor!

Nessun commento:

Posta un commento