CARLO MARIA MAGGI

Carlo Maria Maggi

Carlo Maria Maggi (Milano 1630-Milano 1699) fu il più importante poeta e commediografo del nostro Seicento.  Pubblichiamo un brano tratto dal Barone di Birbanza, commedia del 1696.

L’ADDIO DI MENEGHINO A MILANO
 (DAL “BARONE DI BIRBANZA” 1696 )

 

Chaer el mè chaer Milan, me creppa el coeur

d’avett de bandonà.

Ferr e strasc, cardeghee,

revendiroeu, postee,

conch, e tajee, e messô,

garzonscij de sartò;

canaja, che vivii

de menuder guadagn,

e criee per i straa con i cavagn;

cioviroeu de San Sater,

tucc compagnon de better,

el vost chaer Meneghin

el va in lontan paes...

Se pu no s’vedaremm, a revedès!...

Mortadell di Trii Scagn,

busecca de la Goeubba,

passaritt di Trii Merla,

carna de manz del Pioeucc,

ris in cagnon del Fus,

supp sbroeusgier di tre Legor,

formaj de la Cagnoeura,

stracchin de la Senavra,

guarnazza del Bisson,

moscatelli di Trii Re,

montarobbi del Gall,

pont de Stura del Gamber,

malvasia d’offellee,

tucc coss de tesoree,

el vost chaer Meneghin

el va in lontan paes...

Se pu no s’vedaremm, a revedès! ...

E ti, corta bandida de la gora,

cornucopia del venter,

cuccagna di leccard,

caos di bon boccon,

stupor di forestee,

bondanzia di nostran,

gran Verzee de Milan,

Meneghin l’è confus

avend d’andà lontan di tò pasquee! ...

Chi abbandona el Verzee resta on gambus,

e s’ fa magher i verz via del Verzee! ...